Gazment Bardhi ka reaguar pas tensioneve që ndodhën gjatë mbledhjes së PD-së së vulës, mëngjesin e kësaj të Mërkure.
Gjatë fjalës së tij Bardhi shprehet se dënon me forcë dhunën dhe gjuhën kërcënuese ndaj deputetëve të PD nga mbështetës të Lulzim Bashës.
“Dhuna verbale, presioni dhe shantazhi kundër deputetëve të PD që mendojnë ndryshe nuk janë mjete politike. Kjo sjellje prej grupimi paramilitar hedh në erë bashkëjetesën brenda kësaj force politike dhe dërrmon në mënyrë përfundimtare besimin e qytetarëve tek PD.
Duke dënuar me forcë aktet e dhunës kundër deputetëve të PD, anëtarëve të Kryesisë dhe gazetarëve, u kërkoj secilit kolegë të distancohen publikisht prej tyre. Përmes dhunës, presionit dhe shantazhit nuk ndërtohet asgjë afatgjatë, në interes të demokratëve dhe të Shqipërisë.”, shprehet ai.
Bardhi teksa refuzoi që të votonte mbajtjen e zgjedhjeve për kryetarin e ri të PD-së, më 29 korrik, u largua nga mbledhja.
LEXO EDHE:
VIDEO – Mbledhja e PD-së së vulës, mbështetësit e Bashës tentojnë të godasin deputetët
