Një automjet është përfshirë nga flakët mbrëmjen e sotme në bulevardin “Gjergj Fishta” në Tiranë.
Sipas njoftimit të policisë, makina në pronësi të shtetasit me iniciale G.Sh, është djegur pjesërisht si pasojë e një defekti teknik.
“Me datë 07.06.2023, rreth orës 21:55, në bulevardin “Gjergj Fishta”, ka marrë flakë dhe është djegur pjesërisht automjeti i shtetasit G. Sh., dhe si pasojë e zjarrit ka vetëm dëme materiale. Nga veprimet paraprake dyshohet se zjarri ka rënë si pasojë e një defekti në mjet”, njoftim policia.
Grupi hetimor po punon për përcaktimin e shkaqeve të rënies së zjarrit.
