Detaje të reja kanë dalë në dritë nga vrasja e 20-vjeçarit shqiptar, Enrico Aliaj, nga i vëllai i tij në Itali.
Në një deklaratë për mediat e huaja babai i të riut shqiptar, ka deklaruar se vrasja ishte aksidentale.
Shpend Aliaj, babai i Enrikos thotë se në momentin kur ndodhi ngjarja e rëndë, Enriko ishte në banesë me vëllanë e tij dhe një mikun e tyre.
“Nuk e di saktësisht se çfarë ka ndodhur me djalin tim, mund të them vetëm se djali tjetër po luante me atë armë dhe u qëllua aksidentalisht”- tregon Shpend Aliaj.
Brenda në shtëpi në atë moment, përveç viktimës dhe vëllait të tij, ndodhej edhe një person i tretë, mik i dy të rinjve, i cili fillimisht ishte larguar por më pas është identifikuar nga karabinierët e Piacenza-s që kanë rastin në dorë.
Mbetet ende për t’u sqaruar se cili ishte roli i tij në këtë ngjarje dhe pse u largua nga shtëpia.
Burimi: Notizie.it
