Rinumërimi i votave për kryebashkiakun e Rrogozhinës ka përfunduar. Diferenca mes kandidatëve është 23 vota nga 30 që ka qenë më herët, por rezultati final nuk ka ndryshuar.
Edison Memolla nga Partia Socialiste rezultonfitues edhe pas rinumërimit.
Nga këto 23 vota, 2 janë ende në diskutim pasi nuk gjenden në kuti dhe është vendosur të kontrollohet në kutitë e këshillit bashkiak për të parë nëse do të jenë aty.
Procesi i rinumërimit është ndjekur nga kandidati i koalicionit “Bashkë Fitojmë”, Shkëlqim Hoxha.
KAS vendosi rinumërimin e votave në Rrogozhinë javën e kaluar pas një kërkese nga koalicioni opozitar Bashkë Fitojmë”.
Në Rrogozhinë, deri në kutinë e fundit kryesonte kandidati i opozitës. Përmbysjen e rezultatit e solli pikërisht kutia e fundit, që ishte ajo ku votuan të burgosurit e burgut të Rrogozhinës.
KAS megjithatë nuk mori vendim lidhur me kërkesën e opozitës për anulimin e votimit në qendrën e burgut, që argumentoi se është jo ligjor. Sipas përfaqësuesit të “Bashkë Fitojmë”, vetëm dy prej të burgosurve në burgun e Rrogozhinës, e kanë vendbanimin në këtë bashki. Vendimarrja nga KAS lidhur me këtë kërkesë pritet ditën e nesërme.
