Tirana në volejboll për femra ka nisur të projektojë sezonin 2023- 2024, duke e filluar me ndryshim në pankinë. Trajneri i ri i vajzave bardheblu do të jetë Hasan Gurabardhi, i cili rikthehet në volejboll pas një pauze disavjeçare, që prej sezonit 2018-2019, kur drejtonte Barletin.
Trajneri tashmë ka mbyllur marrëveshjen me klubin e Tiranës, ndërsa të premten pritet të bëhet prezantimi zyrtar në “shtëpinë bardheblu”, aty ku ai ka drejtuar edhe 11 vite më parë.
Kështu Hasan Gurabardhi merr vendin e trajneres Amarilda Prenga, ndërsa Tirana shpreson që pas sukseseve me meshkujt, të rikthehet te titulli kampion edhe me femrat, trofe që mungon që prej vitit 2013.
