Petrit Gega, 52-vjeçari shqiptar i akuzuar për vrasjen e 33-vjeçarit Alfonso Kola, i vrarë me thikë në orët e vona të së mërkurës në via Santa Maria, në fshatin Calcinatello, iu përgjigj të gjitha pyetjeve të hetuesëve. Sipas mediave të huaja, për më shumë se një orë e gjysëm, ai u mor në pyetje nga hetuesit e ngjarjes tregoi me detaje vrasjen edhe motivin. Por avokatja e tij dha shumë pak detaje për mediat.
Elena Scotuzzi tha se gjatë marrjes në pyetje të vërtetimit klienti i saj dha versionin e tij të fakteve, por përmbajtja është e rezervuar: Është një çështje delikate!
Sherri i dhunshëm mes dy shqiptari nisi në tavolinat e një lokali. Gega dhe Kola ishin të dy nga fshati Kallmet i Vogël i Lezhës. Fqinj mes tyre, familjet kishin pasur raporte të mira dhe shkaqet e kësaj ngjarjeje të rëndë mbeten ende të paqarta. 52-vjeçari e goditi të riun disa herë me thikë buke dhe e la të gjakosur në mes të rrugës.
I plagosuri u transportua me urgjencë në spital, por pavarësisht ndërhyrjes së mjekëve nuk arriti t’i mbijetonte plagëve dhe ndërroi jetë.
