Një ngjarje e rëndë ka ndodhur në Korçë këtë mbrëmje. Policia në njoftimin e saj zyrtar thotë se një 46 -vjeçar ka plagosur me thikë bashkëshorten e tij 38 vjeçe, e cila ndodhet në spital nën kujdesin e mjekëve. Aleko Myrtollari 46 vjeç, ka plagosur me thikë bashkëshorten e tij Marjola Myrtollarin 38 vjeçe,
Sipas të dhënave të policisë gruaja ndodhet në gjendje të rëndë shëndetësore. Pas ngjarjes bashkëshorti që plagosi gruan është larguar nga banesa.
Policia thotë se ka ngritur grupe kontrolli për tëbërë të mundur kapjen e tij.
Korçë/Informacion paraprak
Më datë 04.06.2023, rreth orës 22:00, në lagjen nr.10, Korçë, në banesë shtetasi A. M., rreth 46 vjeç, ka plagosur me mjet të mprehtë (thikë) bashkëshorten e tij shtetasen M. M., rreth 38 vjeçe, e cila ndodhet në spitalin e Korçës, në gjendje të rëndë shëndetësore.
Shërbimet e Policisë menjëherë pas marrjes së njoftimit, kanë shkuar në vendngjarje, kanë rrethuar zonën dhe po vijojnë krehjen e saj. Gjithashtu janë ngritur pika kontrolli me qëllim kapjen e autorit të dyshuar shtetasit A. M., i cili pasi ka plagosur bashkëshorten e tij është larguar nga vendi i ngjarjes.
Grupi hetimor nën drejtimin e Prokurorisë po punon për sqarimin e plotë të rrethanave të ngjarjes.
