Teuta dhe Edi Martini kanë mbyllur bashkëpunimin. Trajneri shkodran nuk do jetë më në pankinën e durrsakëve, teksa drejtoi ekipin në 30 ndeshje për sezonin që lamë pas.
“Klubi i Futbollit Teuta njofton për ndërprerjen e bashkëpunimit me tranjerin Edi Martini. Me këtë rast, KF Teuta falënderon Martinin për kontributin e dhënë gjatë periudhës qe drejtoi skuadrën blu, dhe i dëshirojmë shëndet dhe shumë suksese në të ardhmen”, njofton Teuta.
Kjo ishte eksperienca e katërt e Edi Martinit në stolin e Teutës, me trajnerin që është përfolur për një kalim në Shkodër te Vllaznia. Edhe në sezonin 2009-10, 48-vjeçari e drejtori Vllazninë në 15 ndeshje.
Sezonin që lamë pas., Teuta ia doli të shpëtonte sezonin, me Martinin që u ul në stol më 23 nëntor 2022. Durrsakët e mbyllën Superligën në vendin e gjashtë me 48 pikë. Me Martinin në stol, Teuta fitoi tre trofe. Një kampionat, një Kupë dhe një Superkupë.
