Identifikohet 20-vjeçari shqiptar që u gjet i pajetë në një banesë në Itali. Mediat italiane raportojnë se viktima është Enriko Aliaj. I riu u gjet i vrarë me një plagë të shkaktuar nga arma e zjarrit në shtëpinë e tij në Ponte dell’Olio, Piaçenca.
Ndërkohë, i dyshuari kryesor është vëllai i viktimës, 18 vjeç, i cili jetonte me të së bashku me prindërit dhe një motër më të vogël.
Ai ka deklaruar se ngjarja ka ndodhur aksidentalisht megjithatë hetimet vijojnë.
Në shtëpi në atë moment, përveç viktimës dhe vëllait të tij, ndodhej edhe një person i tretë, mik i dy të rinjve, i cili fillimisht është larguar por më pas është identifikuar nga karabinierët e Piaçencas që po hetojnë rastin.
