Karabinierët në Bolonja kanë arrestuar një 41-vjeçar shqiptar të përfshirë në trafikun e kokainës në zonë. Shqiptari, i dyshuar si pjesë e trafikut të drogës u vendos nën radarët e policisë pasi u kthye ilegalisht në Itali. Ai u ndalua rreth orës 20:30 të datës 31 maj, kur gjatë një kontrolli fizik iu gjetën dy doza me kokainë.
Shqiptarit, identiteti i të cilit nuk bëhet i ditur, iu gjet në banesë një sasi prej 5 kg e 700 gramë kokainë.
Sasia e madhe e drogës u gjet në dhomën e gjumit të 42-vjeçarit. Në dollap u gjetën 31 gramë kokainë 2.550 euro, tre peshore dhe një blender. Por pjesa më e madhe e lëndës narkotike u gjet në papafingon e pallatit, së bashku me një bllok shënimesh me emra dhe numra, të gjitha të lidhura me aktivitetin e trafikut të drogës shqiptarit.
U sekuestrua lënda narkotike, rreth 5750 gramë, e destinuar për furnizimin e shesheve lokale të narkotrafikut.
Policia bëri arrestimin e 41-vjeçarit shqiptar, ndërkohë që vijojnë hetimet për të gjetur bashkëpunëtorët e tij.
