Nj i ri shqiptar raportohet se është vrarë me armë zjarri në Itali.
I riu ka humbur jetën në Ponte dell’Olio, në provincën e Piacenzas, në rrethana ende të paqarta. Viktima – një njëzet vjeçar me origjinë shqiptare identiteti i të cilit ende nuk është bërë i ditur nga raportimet mediatike – vdiq gjatë transportit për në spital pasi dyshohet se u plagos me armë zjarri brenda një shtëpie.
Brenda shtëpisë ndodhej dhe një burrë tjetër, i cili qëndroi i bllokuar në banesë për disa orë para se të dorëzohej dhe të hapte derën për policinë. Efektivët e kanë kanë shoqëruar dhe tashmë ndodhet në paraburgim.
Brenda shtëpisë, në orët e vona të pasdites së djeshme, ekipet e emergjencës kishin ndërhyrë për të shpëtuar të riun pas një telefonate për të shtëna dhe zhurma të pazakonta. I riu humbi jetën gjatë transportit nga plagët e shkaktuara në kokë nga një armë zjarri.
Burri i cili ishte në shtëpi me të plagosurin, u ngujua aty kur mbërriti policia dhe doli vetëm në orët e vona të mbrëmjes.
