Nga Ola Xama
Jemi 31.807 më pak se sa ishim në vitin 2022.
Jemi 108,539 më pak se në vitin 2018 dhe 133,307 më pak se në 2013.
Në një dekadë, popullsia ka rënë me 4.6%. Rënia nuk është thelluar sepse në disa vite ka ndikuar ardhja e të huajve nga vendet e botës së tretë dhe atyre që e shohin Shqipërinë si vend tranzit për në Bashkimin Europian. Pa ta do të ishim më pak sepse vitin e shkuar janë larguar 46.460 shqiptarë.
Rënia më e lartë e popullsisë është shënuar në Gjirokastër, Berat dhe Dibër. Me përjashtim të Tiranës, kudo popullsia është zvogëluar. Edhe në kryeqytet rritja ka ritëm më të ulët se vitet e tjera, 0.6% dhe me shumë gjasa shtesa lidhet me punëtorët aziatikë dhe azilkërkuesit.
Shumica e të larguarve janë të gjinisë mashkullore dhe një e treta të gjinisë femërore. Kjo sinjalizon ikjen e fuqisë punëtore dhe emigrimin familjar. Mbi moshën 60 vjeç popullsia është në rritje, kurse largimet në masë janë të grupmoshës 35-40 vjeç.
Meqënëse fushata mbaroi dhe Instat publikoi të dhënat, na kurseni në fundjavë turin e propagandës nëpër Shqipëri…
