Të paktën 50 njerëz u vranë dhe 300 u shtruan në spital në Indi pasi një tren pasagjerësh u përplas me një tren mallrash në Balasore të Odishës të premten, raportojnë mediat e huaja.
Mësohet se treni “Coromandel Express”, i cili shkon nga Kolkata në Chennai, doli nga shinat dhe ra në rrugën e kundërt. Sipas raportimeve shumë njerëz janë ende të bllokuar.
“Operacionet e shpëtimit janë duke u zhvilluar në vend dhe “e gjithë ndihma e mundshme” po u jepet të prekurve,” tha kryeministri i Indisë, Narendra Modi në një postim në Twitter.
