Vijon të jetë e tensionuar situata në Kosovë, ku ndërkohë që në komunat veriore kanë dalë të protestojnë serbët, në jug të Mitrovicës janë mbledhur shqiptarët në protestë.
Shëiptarët e Kosovës, i janë përgjigur thirrjes për protestë të shpërndarë në mediat sociale, dhe kanë marshuar drejt veriut, aty ku janë duke protestuar serbët.
Dhjetëra tubues janë mbledhur në Mitrovicën e Jugut, ndërsa mediat e Kosovës raportojnë se mes tyre ka dhe qytetarë nga Shqipëria.
Në vendin e ngjarjes ndodhet forcat e policisë, të cilët më herët njoftuan qytetarët të mos i bashkohen një proteste të tillë pasi thirrja nga mediat sociale vjen nga profile të dyshimta, të cilat mund të kenë një qëllim të keq.
