Policia e Sarandës ka arrestuar ditën e sotme dy të rinj, pasi kanë kundërshtuar dhe penguar punonjësin e policisë që po shoqëronte njërin prej tyre.
Blutë bëjnë me dije se në pranga shtetasit P. N., 24 vjeç dhe R. N., 21 vjeç, ndërsa ka nisur për procedimi për babain e tyre.
Mësohet se 24-vjeçari P.N., ishte me masë sigurie arrest shtëpie për prodhim dhe shitje narkotikësh, por e kishte thyer këtë masë.
Efektivi i policisë ka ndërhyrë për ta shoqëruar, po vëllai dhe babai i të akuzuarit kanë ndërhyrë duke mos e lejuar të kryente detyrën e tij.
Njoftimi i policisë:
Specialistët për Hetimin e Krimeve të Komisariatit të Policisë Sarandë, në bashkëpunim me AMP-në, arrestuan në flagrancë shtetasit P. N., 24 vjeç dhe R. N., 21 vjeç, si dhe nisi procedimi në gjendje të lirë për babanë e këtyre dy shtetasve, shtetasin A. N., 58 vjeç (punonjës policie), pasi ditën e djeshme, në bashkëpunim me njëri-tjetrin, kanë kundërshtuar dhe penguar punonjësit e Policisë, gjatë shoqërimit të shtetasit P. N., pasi ai ishte konstatuar duke thyer masën e sigurisë “Arrest në shtëpi”, të caktuar nga Gjykata, për veprën penale “Prodhimi dhe shitja e narkotikëve”.
