Gjykata e Apelit ka hequr dënimin me burg përjetë ndaj Sofokli Shanit, i shpallur fajtor për vrasjen e Rako Qorrit në Lushnje, dy vite më parë.
Këtë të Martë, Apeli vendosi ndaj Shahinit dënimin me 33 vite burgim, duke shuar kështu vendimin me burg përjetë dhënë më herët nga gjykata e Lushnjes. Më 16 Dhjetor të vitit të kaluar, shkalla e parë e shpalli fajtor Sofokli Shanin për vrasje në rrethana cilësuese dhe armëmbajtje pa leje.
Për vendimin u bë ankim nga mbrojtja e të pandehurit dhe Apeli vendosi këtë të këtë lënien në fuqi të vendimin e shkallës së parë që e shpall fajtor Shahinin për akuzat e sipërcituara, por i shuan dënimin me burg përjetë, që e zëvendëson me 33 vite burgim.
Ngjarja
Vrasja ka ndodhur më 02.06.2021 rreth orës 20:30 në fshatin Fier i Ri, Njësia Administrative Krutje. Pas një konflikti momental me pronarin e lokalit Rako Qorri, Shahini ka qëlluar me armë zjarri duke e lënë të vdekur në vend. Nga të shtënat është plagosur dhe djali i viktimës, Kejdi Qorri.
Sipas hetimeve, Shani ka shkuar në lokal dhe ka kërkuar të pijë një birrë, por pronari i lokalit, viktima Qorri, i ka thënë se do të duhej të mbyllnin lokalin për shkak të orës policore, pasi në atë kohë vendi ishte i mbyllur për shkak të pandemisë së Covid19. Por, autori Shani ka insistuar ç’ka më pas shkaktoi një konflikt fizik mes tyre. Shani ka marrë një karrige dhe ka qëlluar pronarin e lokalit, por në atë moment ka ndërhyrë djali i këtij të fundit. 57-vjeçari merr motorin e tij dhe largohet për në shtëpi, por disa minuta më pas rikthehet me një kallashnikov. Ai hyn nga hyrja e pasme e lokalit dhe qëllon Rako Qorrin duke e lënë të vdekur, ndërsa djali i tij i cili ishte pranë të atit mori plumba në këmbë. Armën e krimit Shani deklaroj se e kishte ruajtur që nga trazirat e vitit 1997.
Sipas raportimeve mediatike, Sofokli Shani ka qenë i dënuar para viteve 90 pasi ka vrarë me thikë shokun e tij pas një zënke po banale, për lepuj dhe pëllumba. Për këtë vrasje, Shani ka dalë nga burgu në vitin 1992.
