Një punëtor 50 vjeç, ka humbur jetën këtë të Martë në Sarandë, pasi ka rënë nga lartësia duke punuar në një pallat.
Blutë bëjnë me dije se ka mbetur shtetasi me iniciale, E.K.
Grupi hetimor vijon veprimet në vendin e ngjarjes.
“Rreth orës 11:30, në lagjen nr.1, Sarandë, shtetasi E. K., rreth 50 vjeç, duke punuar në një pallat në ndërtim, dyshohet se ka rënë aksidentalisht nga lartësia dhe si pasojë e dëmtimeve të marra, ka ndërruar jetë në vendngjarje”,- njofton policia.
Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.
