Kryetari i Partisë së Lirisë Ilir Meta ka ka bërë apel për mbledhje shpejtë të këshillave bashkiakë.
Në një video të postuar në facebook, Meta shprehet se duhet të fillohet puna paraprakisht, në mënyrë që të jenë të gatshëm sapo këto këshilla të konstituohen.
Postimi i Ilir Metës:
Apeli im është ky: Nuk kemi kohë të presim derisa të konstituohen këshillat.
Duhet që tani të fillojmë punën në mënyrë që të jemi të gatshëm, për të filluar menjëherë me transparencën, sapo këto këshilla të konstituohen.
Në radhë të parë nuk duhet të lejojmë asgjëkundi asnjë mbledhje të këshillave bashkiake dhe komisioneve të këshillit bashkiak me dyer të mbyllura.
