Një drejtues i një mjeti lundrues, është gjobitur ditën e sotme me 10 mijë lekë, pasi dyshohet se kryente peshkim të paligjshëm në gjirin e Vlorës
Sipas njoftimit të policisë, në afërsi të gjirit të Shën Janit, është konstatuar mjetin lundrues tip varkë plastike, me 2 shtetas në bord, ku gjatë kontrollit rezultoi se nuk kishte dokumentacionin e nevojshëm në bord. Gjithashtu, në një enë termus-mbajtëse u gjet një sasi peshku i llojit “Sarmua”.
Njoftimi/ Drejtoria Vendore për Kufirin dhe Migracionin Vlorë
Vijojnë kontrollet nga Policia Kufitare, në bashkëpunim me Drejtorinë Vendore të Policisë Vlorë dhe me Inspektoriatin e Peshkimit Vlorë, për parandalimin e peshkimit të paligjshëm që mund të kryhet duke përdorur lëndë plasëse.
Bllokohet në vendin e quajtur “Gjiri i Shën Janit”, në gjirin e Vlorës, një mjet lundrues që dyshohet se kryente peshkim të paligjshëm.
Ndëshkohet me masë administrative 10 000 lekë të rinj, drejtuesi i tij.
Policia Kufitare vijon hetimet në bashkëpunim me specialistët e Inspektoriatit të Peshkimit Vlorë, për evidentimin dhe ndëshkimin e shtetasve që dyshohet se kryejnë peshkim të paligjshëm, duke përdorur lëndë plasëse.
Në vijim të kontrolleve që po kryhen nga Policia Kufitare, me qëllim rritjen e parametrave të sigurisë detare, zbatimin e ligjeve dhe rregullave të lundrimit, si dhe për goditjen e krimeve kufitare, në bazë të informacionit të siguruar, për një mjet lundrues që kryente peshkim të paligjshëm, në vendin e quajtur “Gjiri i Shën Janit”, në gjirin e Vlorës, shërbimet e SPK Triport, së bashku me mjetin lundrues të Policisë, shkuan menjëherë në këtë zonë, për të verifikuar informacionin e marrë.
Në afërsi të gjirit të Shën Janit, u konstatua mjeti lundrues tip varkë plastike, me 2 shtetas në bord, ku gjatë kontrollit rezultoi se nuk kishte dokumentacionin e nevojshëm në bord. Gjithashtu, në një enë termus-mbajtëse u gjet një sasi peshku i llojit “Sarmua”.
Shërbimet e Policisë Kufitare ndëshkuan me masë administrative 10 000 lekë të rinj, drejtuesin e varkës, shtetasin V. K., si dhe bllokuan mjetin lundrues, deri në sqarimin e plotë të rrethanave të këtij rasti nga përgjigjja e ekspertimit që do të bëhet nga specialistët e Inspektoriatit te Peshkimit Vlorë.
