Superliga shqiptare luan sot javën e fundit. Partizani dhe Tirana kërkojnë titullin kampion (74 pikë të dyja), teksa premtojnë se do garojnë me njëra tjetrën në distancë deri në sekondën e fundit.
Të kuqve u mjafton fitorja ndaj Teutës për të hapur shampanjën e titullit, ndërsa bardheblutë janë të dënuar të triumfojnë ndaj Erzenit, për të shpresuar te ndonjë gabim i skuadrës së Colellas.
Partizani është pranë titullit teksa kryesojnë 1-0 në kryeqytet ndaj durrsakëve. Vendimtar në fraskionin e parë të lojës ka qenë goli Rrapajt në minutën e 39-të.
Ndërkohë nga ana tjetër, Tirana edhe pse kaloi e para në avantazh ndaj Erzenit nuk ka arritur të ruajë rezultatin teksa shijakasit u përgjigjën vetëm 3 minuta më pas.
Në pjesën e dytë, Kukësi ka kaluar në avantazh ndaj Egnatias me golin e Taipit në minutën e 55-të. Ndërkohë Laci ka dyfishuar rezultatin ndaj Kastriotit falë golit të Ujkës.
Nga ana tjetër, Vllaznia ka përmbysur shifrat në 1-2 ndaj Bylisit duke marrë për herë të parë avantazhin këtë pasdite.
Rezultatet Live
