Policia e Kosovës ka reaguar pas tensioneve në veri të Kosovës mëngjesin e kësaj të hëne.
Policia theksoi se sot në veri është paralajmëruar për protesta dhe tubime prandaj dhe Policia e Kosovës, duke e njohur të drejtën për tubime e protest paqësore, po kujdeset për ruajtjen dhe qetësinë, përfshirë edhe detyrat e përcaktuara sipas Kushtetutës dhe ligjit.
Më tej në njofitm thuhet se protestuesit, në hyrje të objektit të Komunës së Zveçanit, kanë shfaqur dhunë dhe duke hedhur gaz lotsjellës janë përpjekur të kalojnë kordonët e sigurisë për t’u futur brenda komunës. Policia është kundërpërgjigjur me sprej, për të vënë situatnë nën kontrollë.
“Protestat pranë komunave veriore janë duke vazhduar, Policia e Kosovës është duke menaxhuar situatën, njëkohësisht fton qytetarët që të kenë vëmendje dhe kujdes të shtuar përgjatë thirrjeve të protestave, të protestojnë në mënyrë të qetë dhe të mos bien pre e provokimeve të mundshme, të çfarëdo natyre qofshin ato”, përfundon njoftimi.
