Kreu i konkurrencës, Denar Biba deklaroi sot se aktualisht tregu i telefonisë celulare është aktualisht një “duo-pol” ku operojnë vetëm dy kompani celulare.
Sipas tij, arsyeja e çmimeve të larta të telefonisë celulare është mungesa e konkurrencës.
“Ka problematika të konkurrencës. Ka tregje që janë qartësisht oligopole. Mirë ose keq legjislacioni ynë nuk e ndalon këtë. Tregu i telefonisë celulare është aktualisht një duopol. Është një nga rastet e rralla në botë.
Në tregun e telefonisë celulare është diçka që po vjen me kohën, duke ditur që tregu kërkon investime të jashtëzakonshme ku shumë pak kompani mund ti përballojnë dhe praktikisht kompania one dhe Albtelekomi që kur u bashkua kanë ofruar dhe realizimin e 5g në shqipëri që është një shpenzim i jashtëzakonshëm.
Mbretëria e Bashkuar ka vetëm tre operatorë celularë dhe ka 64 milion banorë. Kur ata kaluan nga 4 në 3, kompanitë e interesuara e çuan çështjen në Gjykatën e Luksenburgut e cila tha: Ju nuk mund të ndaloni të drejtën për të bërë biznes për sa kohë që ata marrin përsipër të ruajnë disa elementë të konkurrencës” tha Biba.
