Duhej dhe 0,1 sekonda nga përfundimi i ndeshjes Miami Heat-Boston Celtics, me vendasit që kryesonin 103-102, kur Derrick White shënoi koshin që i dha fitoren 103-104 Bostonit dhe e shpëtoi nga eliminimi.
Me serinë e ndeshjeve të Finales së Konferencës së Lindjes në NBA që ishte 3-2 për Miami Heat, Boston ishte e eliminuar kur duhej edhe një e dhjeta e sekondës nga fundi i përballjes, por “koshi mrekulli” barazoi serinë në 3-3 dhe e dërgoi atë në ndeshjen e shtatë, ku do të vendoset finalisti që do të luajë përballë Denver Nuggets, ekipin që mposhti pa probleme Los Angeles Lakers.
Kujtojmë që Heat kryesonte serinë në 3-0, por Celtics me shpirtin luftarak që i karakterizon kanë arritur të barazojnë gjithçka, teksa tashmë kanë mundësinë për të shkruar historinë e NBA pasi asnjë ekip në disavantazh 3-0 nuk ka arritur të kualifikohet më parë.
Të martën, në orën 02:30 me orën shqiptare, do të luhet ndeshja e 7, në Boston.
