Granada e Myrto Uzunit është zyrtarisht në La Liga.
Bardhekuqtë triumfuan me rezultatin 2-0 ndaj Leganes, duke prerë kështu biletën e rikthimit në elitën e futbollit spanjoll si skuadër kampione, teksa e mbylli sezonin në vendin e parë me 75 pikë në 42 ndeshje, 3 më shumë se Las Palmas i vendit të dytë.
Ashtu si në gjithë sezonin, edhe në duelin e fundit, nuk mund të mungonte protagonizmi i talentit shqiptar, Uzuni, që shënoi golin e avantazhit në minutën e 42-të, teksa sfida u vulos nga Zaragoza në minutën e 58-të.
