“Bordi i Transparencës” ka ulur lehtë çmimet e naftës.
Sipas vendimit të fundit, çmimi i shitjes me pakicë i naftës do të jetë jo më shumë se 176 lekë/litri, nga 179 lekë, që ishte në vendimin e datës 18 maj.
Benzina ka shënuar një rritje të lehtë me 1 lekë për litër, duke u tregtuar nga dita e sotme me 179 lekë për litër.
Nuk kanë ndryshuar çmimet e gazit, që mbeten në 63 lekë për litër.
“Çmimet e caktuara nga Bordi do të hynë në fuqi në datë 26 Maj, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”, thuhet në njoftimin e Ministrisë së Financave.
