Policia ka arrestuar një ditë më parë një 34-vjeçar shqiptar pasi akuzohej për transport dhe trafikim të lëndë narkotike.
34-vjeçari u arrestua në portin tregtar të Rodos. Blutë bëjnë me dije se në orën 09:30, 34-vjeçari u pikas dhe gjatë kontrollit që i’u bë, në valixhen e tij të udhëtimit i’u gjetën dhe u konfiskuan gjashtë pako plastike të improvizuara, me kanabis të papërpunuar me një peshë totale bruto. prej 7252 gram.
Gjithashtu, atij iu sekuestrua edhe një celular.
Kur u mor në pyetje, i akuzuari deklaroi se nuk e njihte dërguesin dhe marrësin e lëndës narkotike dhe se marrësi do ta priste në një parking në Rodos në kryqëzimin e rrugëve Kameiros dhe Tsaldari.
