Kuvendi ditën e sotme pritet të miratojë dy projektligje të cilat janë pjesë e reformës së pagave.
Paralelisht me seancën plenare “Lëvizja Bashkë” e Arlind Qorit kanë protestuar jashtë Kuvendit kundër dyfishimit të pagave për ministrat dhe deputetët.
Në momentin kur në hyrje të |Parlamentit mbërrin ish-zv.kryeministri Arben Ahmetaj, aktivistë të shoqërisë civile i kanë hedhur euro false madje gjithë kohës e kanë shoqëruar me akuza: “O hajdut!…O hajdut!”.
“Ju si qeveri nuk garantoni minimumin jetik. Jeni të gjithë të korruptuar! Jeni hajdutë, o hajdut, o hajdut”, dëgjohen thirrjet e aktivistëve ndërsa Ahmetaj qesh me ironi.
- Arben Ahmetaj i akuzuar për aferën e inceneratorëve
Ish-ministri i Financave dhe njëkohësisht ish-zv.kryeminsitri Arben Ahmetaj zyrtarisht është nën hetim nga SPAK për 4 akuza.
Për çështjen e koncesionit për inceneratorin e Elbasanit Ahmetaj akuzohet për shpërdorim detyre. Ndërsa për një tjetër kallëzim për pasurinë e tij ai po hetohet për “pastrim të parave”, “korrupsionit” dhe “fshehja e pasurisë”.
Hetimet për Ahmetajn kanë nisur që në 19 shtator të vitit të kaluar por ankimimi i kryer në gjykatë nga mbrojtësit e tij për kontrollet e ushtruara në banesat e tij dhe të bashkëjetueses më 8 mars faktoi bashkimin e 2 procedimeve dhe hetimin e tij për 4 vepra penale.
Pas kontrollit të ushtruar pak ditë më parë, SPAK ka marrë vendimin për të sekuestruar 2 vila në kuadër të hetimit ndaj ish-ministrit të Financave dhe Rindërtimit, Arben Ahmetaj. Mësohet se Prokuroria e Posaçme ka vendosur sekuestro preventive për vilën në Palasë të ish-bashkëshortes së ish-ministrit, Albina Mançka si dhe vilën në Hamallaj në pronësi të bashkëjetueses Erjola Kodra, ku zoti Ahmetaj thotë se jeton.
Ndërkohë SPAK ka në dorë për ish-ministrin Ahmetaj edhe prova të tjera që e implikojnë në çështjen e inceneratorëve si bileta avioni dhe akomodime në hotele luksoze të cilat ishin paguar nga Klodian Zoto. Këto prova edhe pse të dukshme u injoruan nga prokurorët Ened Nakuçi dhe Klodian Braho.
- Lëvizja Bashkë proteston jashtë Kuvendit
Lëvizja Bashkë po proteston sot para parlamentit kundër rritjes së pagave për ministrat dhe deputetët.
Teksa parlamenti miraton sot projektligjin që rrit rrogat e ministrave dhe deputetëve, Lëvizja Bashkë e drejtuar nga Arlind Qori është mbledhur para parlamentit për të protestuar kundër këtij ligji.
Protestuesit mbajnë në duar një pankartë “Mos u ngopshi”, teksa kanë hedhur dhe para false në tokë.
Bashke me administratën do te rriten dhe pagat e deputeteve dhe ministrave, behet fjale gati për dyfishimin e tyre. Mazhoranca dhe opozita bashkuan votat ne komision për rritjen e tyre. Reforma ka një kosto totale prej 39 miliard lekësh.
