Një aksident tragjik ka ndodhur në Itali, ku ka humbur jetën një 75-vjeçare shqiptare.
Ngjarja ka ndodhur në një rrugë në Granarolo dell’Emilia, ku viktimë ka mbetur shtetasja Salie Gjonzenalaj.
Mediat e huaja shkruajnë se shqiptarja është përplasur për vdekje nga një mjet që drejtohej nga një italian.
Drejtuesi i makinës ishte një 55-vjeçar, i cili pretendohet se ka humbur kontrollin e mjetit duke u përplasur me shtyllat e ndriçimit dhe më pas duke dalë nga rruga.
Kanë qenë familjarët që janë alarmuar duke mos parë 75-vjeçaren të kthehej në shtëpinë e saj, jo shumë larg vendit të tragjedisë.
Ka qënë një nga fëmijët që gjeti trupin e pajetë, duke ndjekur rrugët ku ajo shkonte për një shëtitje.
