Një 36-vjeçare është gjendur pa shenja jete në një hostel në qytetin e Shkodrës. Ngjarja ka ndodhur në orët e pasdites, ndërkohë që rreth orës 18:00 është njoftuar Policia e Shkodrës. Sipas njoftimit të policisë, 36 -vjeçarja është gjendur nga nëna e saj.
Ajo ishte banuese në Texas, SHBA. Paraprakisht policia dyshon se shkak i vdekjes mund të ketë qenë përdorimi i një mbizoze ilaçesh. Ndërkohë për të zbardhur ngjarjen, do të nevojitet marrja në pyetje e familjarëve të viktimës dhe ekspertiza mjeko-ligjore.
Informacion paraprak
Rreth orës 18:00, salla operative e Drejtorisë Vendore të Policisë Shkodër ka marrë njoftim se në lagjen “Tre Heronjtë”, në hostelin ku banonte me qira, është gjetur nga nëna e saj, pa shenja jete, shtetasja A. N., 36 vjeçe, banuese në Texas, SHBA.
Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.
Nga veprimet e para hetimore dyshohet se shtetasja A. N. ka humbur jetën, për shkak të një mbidoze ilaçesh.
Grupi hetimor vijon punën për sqarimin e plotë të rrethanave të kësaj ngjarjeje.
