Ekspertja e punësimit Kumrie Zika është shprehur se një punonjës në Shqipëri punon sa dy të huaj.
E ftuar në emisionin “Good Morning Albanians” në Euronews Albania, ajo tha se produktiviteti i një punonjësi shqiptar është sa për dy persona pavarësisht pagës që merr.
“Produktiviteti i një punonjësi shqiptar matet me dy punonjës të huaj. Të huajt punojnë më me ngadalë. Mund të jenë të njëjtën pagë por një punonjës shqiptar punon sa dy të huaj. Bizneset duhet të mbështesin punonjësin vendas”– tha ajo ndërsa tregu i punës ka mungesë të fuqisë puntore për shkak të shpopullimit të popullsisë.
Që nga viti 2008 deri në 2020-n, janë rreth 700 mijë shtetas shqiptarë që kanë marrë leje qëndrimi në një nga shtetet e Bashkimit Europian. Shifrat janë bërë të ditura nga Eurostat, instituti europian i statistikave dhe janë përpunuar nga “Monitor”.
