Një aksident i rëndë ka ndodhur në Komo të Italisë, ku për pasojë një 40-vjeçar italian ka humbur jetën dhe është plagosur rëndë një 38-vjeçar shqiptar.
Mediat e huaja, bëjnë me dije se 40-vjeçari italian ishte duke drejtuar një Smart i cili në kryqëzimin për Solbiate u përplas kokë më kokë me një Fiat Tipo në të cilën udhëtonte shqiptari 38-vjeçar me banim në Romë.
Mësohet se viktima u transportua në spital, por nuk ia arriti të mbijetonte dot.
Shqiptari është në gjendje të rëndë shëndetësore.
Dinamika e ngjarjes po hetohet nga karabinierët.
