Gjykata e Lartë ka vendosur që gjykata e Korçës është kompetente për të shqyrtuar kërkesën e ‘të fortit’ të lagjes Çole në Vlorë gjatë viteve 96-97, Zani Caushi.
Myrteza Çaushi ka kërkuar ulje të dënimit dhe i ishte drejtuar me kërkesë Gjykatës së Lartë, për zgjidhen e kompetencës mes gjykatës së Matit dhe asaj të Korçës.
Pas vendimi të marrë sot, togat e zeza në Korçë duhet të shqyrtojnë kërkesën e Çaushit, i cili vuan dënimin në burgun e sigurisë së lartë në Drenovë.
Ish-kreu i bandës së Vlorës në ’97, Myrteza (Zani) Caushi për të disatën herë paraqiti në Gjykatë kërkesën për përllogaritje të ditëve të vuajtjes së dënimit në burg, duke kërkuar ulje.
Zani Caushi është i dënuar me burg të përjetshëm, por ai kundërshton disa vendime të Gjykatës së Matit, që i kanë rrëzuar kërkesën për ulje të dënimit.
Sipas ligjit, pas kalimit të një afati të gjatë brenda qelive të burgut, një i dënuar, qoftë dhe me burgim të përjetshëm mund të kërkojë lirim me kusht.
