Mirgit Vataj, kryetar i urdhrit të punonjësve socialë u shpreh se rastet e dhunës në Shqipëri nuk denoncohen.
Në një intervistë për Euronews Albania, ai u shpreh se njerëzit duhet të ndërgjegjësohen dhe të reagojnë në momentin kur ndodh dhuna dhe kur janë prezentë në momentin që ndodh ngjarja.
Sipas tij personi që filmoi ngjarjen në Durrës ku nëna dhunonte fëmijën duhet të njoftonte dhe policinë.
“Njerëzit duhet të ndërgjegjësohen dhe të reagojnë në momentin që ndodh dhuna dhe kur janë prezentë. Në rrjetet sociale, bëjmë atë zhurmën e madhe por që mbetet vetëm aty., rastet vijojnë dhe publikohen .
Personi që filmoi gruan në Durrës të harxhonte dhe pak kohë dhe ta denonconte rastin në polici dhe policia do e kishte më të lehtë për ta identifikuar”- tha ai.
