Carlo Ancelotti është pa diskutim një legjendë e gjallë e Champions League, përballë Man.City, tekniku italian zhvilloi ndeshjen e tij të 191 në këtë turne duke vendosur një rekord absolut, është ai trajneri me më shumë ndeshje në këtë turne, duke lënë pas Sir Alex Ferguson.
Ancelotti humbi shansin për të shkuar për herë 6-të në një finale Championsi, por ky detaj nuk e zbeh aspak madhështinë e këtij trajneri.
Pavarësisht eliminimit të rëndë, Ancelotti nuk e bën dramë:
“Luajtën më mirë se sa ne, e merituan të shkonin në finale.
Presuan fuqishëm dhe gjatën avantazhin në pjesën e parë”, u shpreh Ancelotti duke u ndalur më pas tek e ardhmja e tij aq shumë e diskutuar:
“E ardhmja ime është e qartë, kjo humbje nuk e vendos aspak në dyshim këtë fakt, përkundrazi do të na ndihmojë të përmirësohemi sezonin e ri. Të mos e bëjmë dramë, të shohim nga e ardhmja.
Një vit më parë fituam, këtë vit dolën nga gjysmëfinalet, ky është sporti, t’i lëmë dramat”, u shpreh Ancelotti në konferencë për shtyp.
