Dorëheqja e Enkelejd Alibeajt si kryetar i komanduar i PD-së së Vulës pas rezultatit skandaloz në zgjedhje, ku u rendit forcë e katërt duke u parakaluar edhe nga PSD e Tom Doshit, për politologun Ilir Kalemaj mund të shihte në dy drejtime.
Analiza e Kalemaj në emisionin “Debat” lidhet fortë me një vetësakrifikim të Alibeajt për të bërë të mundur rikthimin e Lulzim Bashës në krye të PD-së së Vulës.
Hipoteza tjetër që gjithashtu shtrohet është se Alibeaj pranoi disfatën dhe mungesën e aktivitetit elektoral nga ana e tij përkundër fushatës agresive të Berishës e Metës, që u konfirmuan si opozita e vendit.
“Mendoj që ka dy hipoteza. Është bërë në marrëveshje me Bashën të vetësakrifikohej Alibeaj dhe t’i hapej rruga rikthimit të Bashës, i cili nuk është konsumuar në debatin e brendshëm. Një skenar i parashikuar. Është dhe një tjetër. Përtej faktit nuk besoj që Alibeaj se priste negociatat e Berishën, unë mendoj që ka humbur kohë për të mbajtur grupin parlamentar dhe nga ana tjetër ka munguar aktiviteti elektoral. Dhe Alibeaj ka zgjedhur të shtrëngojë radhët e grupit parlamentar dhe ajo që vuajti ishte mungesa elektorale nga ana Alibeajt, Bardhit e enturazhit drejtues. Ata lanë terren bosh kur ata u tërhoqën ishte Berisha e Meta që bënë fushatë agresive”, u shpreh analisti.
Ndërkohë në vijim të analizë, Kalemaj theksoi se problemi i sotëm është përfaqësimi i popullit opozitar dhe çfarë do të ndodhë me PD-në.
“Populli opozitar a është sot i përfaqësuar? 90% është e papërfaqësuar. Dorëheqja e sotme duhet të përshëndetë. Çfarë do të ndodhë sot me PD kjo është çështja. A e mban si pjesë e një skenari apo është se kishte një synim a ambicie personale dhe tani u dorëhoq? Kjo është punën e tij”, tha ai.
