Portieri i Real Madrid, Tibo Curtouis nuk ka kapërdirë dot eliminimin në gjysmëfinale të Champions League.
Edhe pse humbja 4-0 nga Manchester City nuk lë shteg për dyshime, portieri belg përmend një rast të Toni Kroos, i cili sipas tij, mund të ndryshonte fatin e sfidës dhe të kualifikimit, gjithashtu.
“Fillimisht ne e mbajtëm mirë presionin që ata na sërvirën. Problemi është se ne nuk kemi mundur t’u krijojmë probleme dhe kjo u ka dhënë gjithnjë e më shumë besim. Nëse Kroos nuk do të kishte goditur traversën, historia e ndeshjes do të kishte qenë ndryshe.
Më shumë se humbja në vetvete, dhemb mënyra se si erdhi. Për mua është një humbje shumë e vështirë, por duhet të jemi krenarë për progresin që kemi bërë. Ne u eliminuam kundër një ekipi të madh, i cili po kalon një sezon fantastik” – tha ai.
