Dy të rinj janë proceduar ditën e sotme në Librazhd, pasi janë përfshirë në sherr ditën e zgjedhjeve.
Bëhet fjalë për shtetasit S.F., 20 vjeç, banues në fshatin Bushtricë dhe A.K., 34 vjeç banues në Qukës, për veprën penale “Plagosje e lehtë me dashje”.
“Këta shtetas ditën e zgjedhjeve, me 14 maj, rreth orës 19:20, në fshatin Qukës-Skëndërbe, Njësia Administrative Qukës, Librazhd, për motive të dobëta, në rrugë kanë goditur njëri-tjetrin me sende të forta.
Shtetasit e lartpërmendur, për motive të dobëta dhe jo elektorale kishin debatuar verbalisht me njëri- tjetrin edhe disa ditë më parë”,- njofton policia.
Materialet proçeduriale, i kaluan Prokurorisë Pranë Gjykatës së Shkallës së parë të Juridiksionit të Përgjithshëm Elbasan për veprime të mëtejshme.
