Në bashkinë e Tiranës janë numëruar 125 kuti nga 941 qendra votimi që ka në total kryeqyteti.
Sipas rezultateve paraprake nga KQZ, kandidati i PS, Erion Veliaj ka marrë deri më tani 19.602 vota, ose 55.04 %.
Sakaq, kandidati i koalicionit “BF”, Belind Këlliçi ndjek në vendin e dytë me 12.014 vota ose 33.73 %.
Dy rivalët kryesorë në garë ndiqen nga kandidatët e partive të tjera, më konkretisht Roland Bejko i PD-së, i cili ka marrë 1594 vota dhe Arlind Qori i Lëvizjes “Bashkë”, i cili ka marrë 1765 vota.
Nga ana tjetër Lajla Përnaska e PDIU ka siguruar 296 vota, ndërsa Marko Dajti i Frontit të Majtë ka 344 vota.
