Bashkia e Kukësit është një ndër të pakta njësi të qeverisjes vendore ku nuk është finalizuar ende procesi i numërimit të votave, pas zgjedhjeve të së dielës.
E cilësuar si një bastion i djathtë, gjatë gjithë mbrëmjes Kukësi ka shkuar herë majtas e herë djathtas gjatë numërimit.
Ndërkohë, kur mbeten edhe 23 kuti për t’u numëruar nga 73 kuti në total, ai që udhëheq garën me afron një mijë vota është kryebashkiaku aktual, Safet Gjici.
Sipas rezultateve paraprake nga KQZ, kandidati i PS Safet Gjici ka marrë deri më tani 7875 vota, ose 48.58 %.
Ndërkohë, kandidati i koalicionit opozitar “Bashkë Fitojmë”, Admir Sinamati ka marrë 6913 vota ose 42.64 %.
Sakaq, Abedin Oruçi i PEISH ka marrë 1424 vota ose 8.78 %.
