Në një konferencë të dhënë 90 minuta para mbylljes së qendrave të votimit, ku pranoi të gjitha problematikat e denoncuara nga media e koalicioni “Bashkë Fitojmë” në procesin zgjedhor, kreu i KQZ, Ilirjan Celibashi iu përgjigj interesit të gazetarëve për shtyrjen apo jo të orarit përtej orës 19:00.
Celibashi theksoi se deri më tani nuk ka asnjë indicie për ta shtyrë votimin, por pranoi se nëse do të ketë qytetarë që mund të presin, atëherë atyre do t’u lejohet të votojnë edhe përtej orës 19:00.
“Nuk kemi asnjë shkak ligjor deri tani për të shtyrë orarin e votimit. Rikonfirmoj edhe njëherë se nëse në orën 19:00 do të jenë votues që presin për të votuar në qendrën përkatëse, komisioni do të shënojë emrat e atyre votuesve dhe do t’i lejojë ata që të votojnë dhe asnjë tjetër pasi të ketë përfunduar votimi”, tha Celibashi.
