32.19 për qind e qytetarëve kanë ushtruar të drejtën e tyre për të votuar në rang vendi deri në orën 16:00, sipas të dhënave zyrtare të publikuara nga Komisioni Qendror i Zgjedhjeve.
Nga 5 213 qendra votimi në total, raportimet vijnë nga 2 679 qendra.
Sipas të dhënave të publikuara nga KQZ, deri më tani numri i qytetarëve që kanë ushtruar të drejtën e votës është 619193 nga 1923650 zgjedhës në listat e qendrave të votimit.
Sipas të dhënave nga autoritetet, në këto zgjedhje vendore janë 3.650.550 shtetas shqiptarë kanë të drejtën e votës, ndërsa 122.545 zgjedhës votojnë për herë të parë.
Këtë 14 maj, qytetarët u drejtohen kutive të votimit për të zgjedhur drejtuesit e bashkive si dhe anëtarët e këshillave bashkiakë për 4 vitet në vijim.
