Më pak se 90 minuta kanë mbetur nga mbyllja e procesit zgjedhor të kësaj të diele, por presionet dhe shantazhet ndaj votuesve në QV-të e pjesës më të madhe të bashkive të vendit, nuk janë ndalur.
Denoncimi i radhës për drejtorët e Partisë Socialiste në institucionet shtetërore, vjen nga Korça, ku kreu i AKU-së atje është fotografuar duke hyrë në disa qendra votimi për t’i “monitoruar”.
Siç raportohet nga SyriTV, Endri Pikuli ka “inspektuar” për herë të fundit qendrat e votimit, duke iu bërë presion votuesve të votojnë për kryebashkiakun aktual, Sotiraq Filo.
Në fotot e mëposhtme, kreu i AKU në Korçë është kapur teksa futet në ambientet e brendshme të Qendrës së Votimit në shkollën “Raqi Qirinxhi”.
