Kandidati i “Lëvizja Bashkë” për Bashkinë e Tiranës në zgjedhjet e 14 majit, Arlind Qori ka mbyllur fushatën elektorale në kryeqytet, teksa gjatë fjalës së tij me qytetarët i ka ndodhur një incident.
Përmes një postimi në rrjete sociale, Qori shkruan se gjatë takimit mes aktivistëve dhe mbështetësve për mbylljen e fushatës, në Pallatin e Sportit, Farie Hoti kanë ikur dritat dhe Qori e ka mbajtur fjalën në errësirë.
“Sapo fillova fjalën sot, pallatit të sportit Farie Hoti i ikën dritat. Erdhën pas pesë minutash. Dy minuta më vonë i rihoqën. I falënderova, me mendje. Më dhanë mundësi të flas siç ma do zemra, me zë të lartë dhe pa mikrofon. Tiranën do ta bëjmë BASHKË qytet të jetueshëm!”, shkruan Qori.
