Në “mes të natës” shteti policor i Edi Ramës filloi hakmarrjen ndaj opozitës duke arrestuar kandidati e koalicionit ‘Bashkë Fitojmë” për bashkinë e Himarës, Fredi Beleri.
Pas arrestimit të Beleri gjithashtu ka reaguar ministria e jashtme greke. Ambasadorja greke është udhëzuar nga Dendias të takojë ministren Olta Xhaçkën.
“Pas lajmit për arrestimin nga autoritetet shqiptare të Dionisis-Fredi Beleris, kandidat për Kryetar Bashkie në Bashkinë Heimarra në KEAD, ambasadorja e Greqisë në Tiranë, Konstantina Kamitsi, pas udhëzimeve të ministrit të Jashtëm, Nikos Dendias, po zhvillon një vizitë sot, më 12 maj në Ministrinë e Punëve të Jashtme të Shqipërisë.”- thuhet në reagim.
Çfarë ndodhi në mesnatë?
Burime bëjnë me dije se kandidati i opozitës, Fredi Bejleri akuzohet për blerje votash dhe se aktualisht ndodhet në Komisariatin e Policisë së Vlorës. Megjithatë lidhur me ngjarjen nuk ka ende një njoftin zyrtar nga Policia e Shtetit. Po të njëjtat burime bëjnë me dije se prangosja është bërë nga agjentët e Strukturës së Posaçme kundër Korrupsionit dhe Krimit të Organizuar (SPAK) dhe nga efektivë të dërguar nga Tirana.
Ditët e fundit ai ka qenë i sulmuar nga vetë kryeministri Edi Rama, i cili se e ka akuzuar se ka në axhendë helenizimin e Himarës duke iu referuar një interviste që Beleri dha për Protothema. Vetë Beleri hodhi poshtë akuzat duke u shprehur se e gjjtha ishte fabrikim i mediave të Ramës pasi ai vetë kishte folur vetëm për gjuhën greke dhe minoritetin.
