Qëllimin e Edi Ramës për të fituar me çdo kusht Shkodrën, Benet Beci synon ta përmbushë duke dalë hapur në fushatë me ish-kandidatin e zgjedhjeve lokale të 2019-ës për Partinë Socialiste në Kryeqendrën e Veriut, Valdrin Pjetri.
Pjetri, i cili ishte kandidati që “Rilindja” iu ofroi si alternativë shkodranëve në zgjedhjet moniste të 4 viteve më parë, u shkarkua pasi kishte gënjyer për formularin e dekriminalizimit pasi rezultonte i dënuar për drogë në Itali.
Duket se Beci ka marrë parasysh çdo kosto politike, duke dalë përkrah Pjetrit për të kërkuar votën e qytetarëve edhe pse kryeministri deklaroi disa vite më parë se gaboi kur e kandidoi atë në Shkodër.
Kandidati i Ramës e di shumë mirë që është në një pozitë të vështirë pasi humbja me 14 maj është e sigurt dhe po tenton në çdo mënyrë të mundshme duke bërë aleancë me këdo për të shmangur disfatën përballë Bardh Spahisë.
