Vetëm një vit më parë largimi i Robert Lewandowskit shkaktoi trazira të mëdha në Munich, aq sa dhënia e lamtumirës u zëvendësua nga lufta “e ftohtë” në distancë me replika të ashpra derisa polaku u zyrtarizua te Barcelona.
Tashmë radha duke se do t’i takojë Thomas Muller të bëjë gati valixhet dhe të largohet nga shtëpia ku u aktivizua për 14 vjet si lojtar profesionist.
Vendimet e Tuhelit ndaj kapitenit me lënien në stol kanë irrituar këtë të fundit, ndonëse e ka ruajtur “zjarrin” e kundërpërgjigjeve përpara mediave.
“Sport Bild” i ka bërë jehonë shqetësimit të Muller në lidhje me pozitën në planet e teknikut 49-vjeçar.
Problemet fizike kanë qenë kryefjala e justifikimeve nga ish-trajneri i Dortmundit kur është pyetur nga reporterët se përse heziton ta inkuadrojë futbollistin më të vjetër në gjirin e rekordmenëve nga minuta e parë.
Futbollisti nuk dëshiron që panorama në fjalë të këtë të njëjtat ngjyra në spektrin e minutazhit edhe në sezonin pasardhës, aty ku shansin në grumbullim nga Flik te “pancerat” do të veniteshin.
Burimi i mësipërm pranon se ende nuk janë zhvilluar bisedime me klube konkrete, megjithatë ka pasur oferta nga liga e SHBA-së dhe ajo arabe.
Po ashtu Bundesliga mbetet alternativë në mbylljen e karrierës, jo ashtu siç tifozët e klubit më të titulluar në tokën gjermane e kishin ëndërruar lamtumirën me beniaminin e tyre.
