Nuk kanë të sosur problemet të Milani. Sikur të mos mjaftonte dështimi në ndeshjen e parë gjysmëfinale të Champions League ndaj Interit, dëmtimi i Leaos, tashmë bëhet me dije se mesfushori Ismael Bennacer ka mbyllur sezonin.
Raportet e fundit sugjerojnë se Ismael Bennacer do të ketë nevojë për një operacion për shkak të lëndimit në gju që pësoi në humbjen e Milanit në Ligën e Kampionëve ndaj Interit.
Mesfushori 25-vjeçar algjerian, i cili është një figurë kyçe në skuadrën e Stefano Piolit, u detyrua të largohej nga fusha pas vetëm 18 minutash.
Tifozët u shqetësuan menjëherë dhe frika u rrit kur u pa që Bennacer u largua nga Stadio Giuseppe Meazza me paterica.
