Simone Inzaghi gëzon një fitore shumë të çmuar në ndeshjen e parë gjysmëfinale të Ligës së Kampionëve, e cila e afron Interin e tij drejt një objektivi që i mungon prej 13 vitesh: “Kemi pasur një pjesë të parë të jashtëzakonshme, jam shumë i kënaqur – tha trajneri zikaltër.
“Padyshim që mund të kishim shënuar më shumë se dy gola, por ishte një ndeshje e shkëlqyer. Ne e dimë se jemi përpara, por tani është ndeshja e dytë: do të luajmë në shtëpi dhe do të kemi tifozët tanë me vete, do të duhet të bëjmë një përpjekje tjetër për një ëndërr të madhe. Djemtë mbuluan çdo centimetër, ata që hynë dhanë përgjigje të shkëlqyera, kështu arrihen paraqitje të shkëlqyera”.
Në pritje për ndeshjen e së martës së ardhshme, duhet menduar për kampionatin, ku duhet siguruar një vend në top katërshen: “Për 72 orë kemi një ndeshje shumë të rëndësishme kundër Sassuolos dhe do të duhet të jemi të mirë në rikuperimin fizik dhe energjinë mendore pas një shpenzimi të madh. Dikush doli i mavijosur, por ne do të përgatitemi në mënyrën më të mirë të mundshme”.
