Një denoncim për blerje votash nga socialistët është bërë nga një zonjë në Tiranë. Gjatë një takimi të kandidatit të opozitës Belind Këlliçi, ajo tregoi se oferta është 50 mijë apo 100 mijë lekë për votë.
Zonja theksoi se personat e caktuar nga PS, të vijnë të marrin në shtëpi me makinë, të çojnë te qendra e votimit dhe pastaj të japin dhe lekët.
“Gjithë njerëzit do t’ju japim nga 50 mijë apo 100 mijë lekë. Kanë ardhur brenda në shtëpi këta të socialistes para dy apo tre ditësh. Do vijmë të marrim me makinë mu te shpia dhe thotë do të votosh për këtë. Se unë jam një njeri që kam gocat, kam dhëndurët, kam krushqit, kam gjithë njerëzit, kam 20 vota me llogari ti bëj unë. Të vijnë të marrin me makinë dhe të çojnë te qendra e votimit, të japin dhe lekët pavarësisht se unë jam fukara por lekët nuk i kam marrë”, tha ajo.
