Sali Berisha pati një mesazh të drejtëpërdrejtë nga Shkodra për Benet Becin gjatë takimit përmbyllës së fushatës për zgjedhjet e së dielës, që zhvilloi sot në mbrëmje.
Kryedemokrati e ftoi ish-zyrtarin demokrat që garon nën siglën e PS-së për Kryeqendrën e Veriut që të tërhiqet nga gara, në mënyrë që t’i ngelet pak dinjitet e nder.
Ai shtoi se të ftosh shkodranët të votojnë “flamurin e Edi Ramës” do i mbetet peng Becit gjithë jetën.
“I thashë dy fjalë në stadium Benet Becit, ja them dhe tani. Benet ke dhe 48 orë, tërhiqu që të të mbetet pak nder. Sepse të ftosh ti shkodranët të vijnë dhe të votojnë për flamurin e Edi Ramës do të mbetet peng gjithë jetën. E di vetë, Shkodra ka bërë zgjedhjen”, tha Berisha.
Lideri i opozitës gjithashtu u ndal te gjuha e kryebashkiakëve të majtë, të cilët reflektojnë të njëjtin stil fyerjesh dhe sulmesh perosnale të kryeministrit Rama.
Për të treguar që demokratët janë e kundërta e tyre, Berisha mori si shmebull kryebashkiakun e Shkodrës, Bardh Spahia, i cili prej një viti ka punuar me këshillin bashkiak të përbërë në masë të gjerë nga socialistëts.
“Në 14 maj iu ftoj në përkushtimin tuaj ndaj lirive e dinjitetit të Shkodrës të votoni numrin 1. Është votë për pluralizmin politik, votë për idealet tuaja. Asnjë qytet nuk ka sakrifikuar sa Shkodra për pluralizmin dhe vlerat e tij.
Rugës nga Lezha pashë. Pjerini kishte shkruar për ne, po vijë talebanët. Mu kujtua Bardh Spahia i cili qeverisi me një këshill socialist dhe nuk i konsideroi kundërshtarë talebanë, por i konsideroi kundërshtarët si njerëz me të cilët në emër të interesave të Shkodrës duhet të negocionte. I garantoj socialistët e Shkodrës, Bardh Spahia është më afër tyre se Benet Beci që përfaqëson Edi Ramën”, u shpreh ai.
Sakaq, referuar qeverisjes së Ramës, Berisha tha se ai i cilëson armiq ata që nuk e votojnë.
“Sot në vend është instaluar një pushtet që përçmon dhe sheh me neveri e mungesë respekti qytetarin. Kush e ka diskriminuar në këtë mënyrë veriun dhe Shkodrën, vetëm Rama e ka bërë. Ramën po nuk e votove të ka armik. Sapo erdhi në pushtet, hoqi ndihmën ekonomike për 20 mijë familje në qarkun e Kukësit. Po sot. 80% e qytetarëve që jetojnë në varfëri, nuk marrin ndihmë ekonomike jo se nuk ka para, por për atë qytetarët edhe aq shumë e kanë. Edi Rama është një armik i ekzistencës sonë. Nëse ekzistenca jonë përcaktohet nga qenia jonë si komb në këto troje, ne nuk jemi pakësuar kurrë si në 8 vitet e Ramës”, nënvizoi Berisha.
